Mobil Bankçılıq | Azər Türk Bank | Sizin Dövlət Bankınız

Mobil Bankçılıq


Ümumi məlumat

Mobil bankçılıq – Sizə banka yaxınlaşmadan, mobil telefonunuz vasitəsilə bir çox bank əməliyyatlarını həyata keçirmək imkanı verir. Sadəcə “Azər Türk Bank” əlavəsini telefonunuza yükləməklə, bu xidmətdən 24/7, günün istənilən vaxtı istifadə edə bilərsiniz. Zamanın nəbzi ilə ayağlaşan bu əlavə olduqca rahat və güvənlidir.

Təqdim olunan xidmətlər

Mobil bankçılığa qoşulduqda, Siz telefonunuzda aşağıdakı bank əməliyyatlarına sahib olursunuz:

  • Kartlar və hesablar

Bu bölmədə Siz, mövcud kartlarınız və balansları haqqında məlumat əldə edə bilərsiniz. Eləcə də, kartınızı itirdikdə və ya hər hansı problem yaşandıqda, bu bölməyə daxil olaraq kartınızı bloklaya, problem həll olunduqdan sonra isə yenidən aktiv edə bilərsiniz.

  • Transfer

Bu bölmə müştərilərə öz kartına və ya digər karta pul transfer etmək imkanı verir. Bunun üçün kartınızı seçib, məbləği və vəsaiti yollayacağınız kartın məlumatlarını daxil etməyiniz yetərlidir.

  • Ödənişlər

Ödənişlər bölməsində mobil rabitə, internet, tv və bir çox digər ödənişlərin həyata keçirilməsi mümkündür.

  • Çıxarış

Bu bölmədə harada olduğunuzdan asılı olmayaraq, istənilən mövcud kartınız üzrə aparılan əməliyyatların hesabatını əldə edə bilərsiniz.

Qoşulma qaydası
  1. “Azər Türk Bank” əlavəsini “GooglePlay” və ya “AppStore”-dan telefonunuza yükləyin;
  2. ATM-ə yaxınlaşaraq kartınızı daxil edin;
  3. Şifrəni daxil etdikdən sonra “Xidmətlər” bəndini seçin;
  4. “Mobil bankın qeydiyyatı” bölməsinə daxil olun;
  5. Seriya nömrəsi və komponentlər olan çeki əldə edin;
  6. Telefonunuzda əlavəni aktiv etmək üçün açılan pəncərəyə seriya nömrəsini daxil edin;
  7. Daha sonra komponentləri daxil edin;
  8. Gələcəkdə əlavəyə daxil olmaq üçün, şifrə kimi işlədə biləcəyiniz pin-kod düşünüb, daxil edin.
FAQ

Məlumatların təhlükəsizliyi necə qorunur?

  1. Bütün ötürülən məlumat şifrələnir;
  2. Xüsusi kitabxanalar ötürülən məlumatın təhlükəsizliyinə zəmanət verir;
  3. Midlet icazəsiz telefon istifadəsini aradan qaldıran xüsusi PİN kodla təmin olunmuşdur;
  4. Məlumatlar midletdə saxlanılmır. Hostda yoxlanılır;

Valyuta kalkulyatoru